नेपाल संवत्या पक्षय् नोट अफ डिसेन्ट
येँ (सन्ध्या टाइम्स)/नेपाल संवत्यात राष्ट्रिय संवत् माने यायेगु वा मयायेगु अले न्हूगु संविधानया नां छुइबलय् संवत् ११३० धकाः तयेगु कि मतयेगु धइगु विषयय् मतदान जूबलय् नेपाल संवत् पक्ष पराजित जूसां उकिया माइनुटय् धाःसा नेपाः राष्ट्रिय पार्टीं नोट अफ डिसेन्ट च्वइगु जूगु दु। नेपाः राष्ट्रिय पार्टीया मुद्दायात हे समर्थन यासें संघीय लोकतान्त्रिक राष्ट्रिय मञ्च व राष्ट्रिय जनहित पार्टीया सभासद्पिं रुक्मिणी चौधरी व मालवर सिंह थापां नं नोट अफ डिसेन्ट च्वइगु खँ धाःगु दु ।
