स्वनिगलं पिने बाखं गोष्ठि
येँ (सन्ध्या टाइम्स)/ बाखं दबुलिं थौं लुम्बिनीइ साहित्य गोष्ठि यायेत्यंगु दु। स्वनिगः पिने नं साहित्य गोष्ठि यायेगु झ्वलय् वंगु बुधवाः चितवनपाखे वंगु बाखं दबूया साहित्यकारतसें वंगु १५ गते नारायणघाटय् जूगु ज्याझ्वलय् रामशेखर नकःमि व केदार सितुं बाखं न्ह्यब्वयादीगु खः । नेवाः पुचःया भवनय् जूगु उगु ज्याझ्वलय् नारायणघाटया प्रेमविनोद नन्दन व चिजकुमार श्रेष्ठं नुगः खँ प्वंकादीगु खःसा लक्ष्मण राजवंशीं बाखं दबू व नेवाः स्वायत्त राज्ययात कयाः थःगु बिचाः प्वंकादीगु खः। अथे हे म्हिगः नं बुटवलय् नं श्री नेवाः पुचःया ग्वसालय् जूगु ज्याझ्वलय् तिलकप्रकास कायस्थ व ध्रुब मधिकर्मीं बाखं न्यंकादीगु खः। बुटवलया पुलांम्ह मेयर विमलकुमार शाक्य व पुचःया नायः विष्णु प्रसाद श्रेष्ठं न्वंवानादीगु खः ।
