बंगालीतलिसे ल्वापु जुयाः छम्ह नेपाःमि सित
येँ (सन्ध्या टाइम्स)/मलेसियाया निलाई लागाया एअरपोर्टय् नेपाःमि व बंगाली श्रमिकतय् दथुइ ल्वापु जुयाः छम्ह नेपाःमि सीगु दु। अथे हे मेपिं झिंस्वम्ह घाःपाः नं जूगु दु। उकी लानाः सप्तरीया सन्त कुमार यादव सीगु खँ धाःगु दु।
बहनी ज्या सिधयेकाः लिहां वनेगु झ्वलय् वंगु डिसेम्बर २७ कुन्हु पावरलेट कम्पनीया नेपाःमि व बंगाली ज्यामितय् दथुइ कचमच जुयाः उगु ल्वापु जूगु खः। सच्छिम्हं मल्याक बंगाली व नीन्याम्ह नेपाःमिपिनि दथुइ उगु ल्वापु जूगु खः। ल्वापुइ लानाः सीम्ह यादवया शवयात म्हिगः नेपाः लित छ्वया हःगु दु ।
उगु ल्वापुइ लानाः गुम्ह नेपाःमि नापं प्यम्ह बंगालीत नं घाःपाः जूगु खः। घटनाय् स्वापू दुपिं धकाः अनया प्रहरीं प्यम्ह नेपाःमि व न्याम्ह बंगालीतय्त ज्वनाः अनुसन्धान यानाच्वंगु दु। ज्वनातःपिंत २ तारीख दुने त्वःतेगु जुइ धकाः प्रहरीं धाःगु दु ।
