निम्ह कायपिं लिपा मांया जंक्व
ख्वप (सन्ध्या टाइम्स)/निम्ह कायपिनि जंक्व स्वयेधुंकूम्ह छम्ह वृद्धाया प्यक्वःगु ज्याःजंक्व थौं थनया क्वाठण्डौं त्वालय् जुल। सछिदँ दुम्ह मय्जु छलमाया शाक्यया प्यक्वःगु जंक्व क्वाठण्डौंया प्रशन्नशील महाविहारय् जूगु खः ।
उगु इलय् मय्जु शाक्ययात न्हूगु जन्म जूगु प्रतिक स्वरुप त्यप तछ्यानाः अन दुनें लिकाःगु खः ।
मय्जु शाक्यया प्यम्ह काय्पिं मध्ये निम्ह भाजुपिं तिर्थराज शाक्य (८१ दँ) व विक्रमराज शाक्य (७७ दँ) या जंक्वः क्वचायेधुंकूगु दु ।
वय्कःया प्यक्वःगु जंक्व यायेगु लागिं माःगु पुजा याये सःपिं गुर्जुपिं ख्वपय् मलुयाः यलं नांजाःम्ह माहिला गुर्जुयात ब्वना हःगु खः ।
मय्जु शाक्यया प्यम्ह काय व निम्ह म्ह्याय्पिंपाखें दुपिं मचाखाचा सकलें यायेबलय् सछिम्ह दु ।
