बाखं दबू नारायणघाटपाखे

येँ (सन्ध्या टाइम्स)/नेपालभाषाय् बाखं विधा विकास यायेगु ताः तयाः नीस्वंगु बाखं दबूया ग्वसालय् बाखं च्वमितय् छगू पुचः थौं नारायणघाट वन। दबूया नायः लक्ष्मण राजवंशीया नेतृत्वय् वंगु उगु पुचलं थौं अन सांस्कृतिक व साहित्यिक ज्याझ्वः याइ। अथे हे कन्हय् बुटवलय् व कंस लुम्बिनीइ नं अज्याःगु ज्याझ्वः याइगु ग्वसाः दु। पुचलय् राजा शाक्य, नर्मदेश्वर प्रधान, तिलक कायस्थ केदार सितु, शाक्य सुरेन, शरद कसाः आदि नापं यानाः स्वीम्ह बाखं च्वमिपिं दुथ्याः ।