लडाकू व्यवस्थापन लिपाः जक संविधान : गोपालमान
नेपाली कांग्रेसया उपसभापति गोपालमान श्रेष्ठं माओवादी लडाकूतय् व्यवस्थापन न्ह्यः हे संविधान निर्माण यासाः दुर्भाग्यपूर्ण जुइगु खँ धयादीगु दु ।
चितवनया दिव्यनगरय् बिहीवाः जूगु छगू ज्याझ्वलय् वयेकलं लडाकूया व्यवस्थापन मजूतल्ले शान्ति प्रकृया क्वचाये मफइगु धयादिसें शान्ति प्रकृया क्वमचासें च्वःगु संविधान उन्नत व लोकतन्त्रिक जुइ मफइगु धयादिल । वयेकलं आःया स्वलाःया दुने हे शान्ति प्रकृया पूवंकेफुसाः जक निर्धारित इलय् संविधान च्वयेफइगु धयादिल ।
वयेकलं माओवादीं शान्ति सम्झौता विपरित वनाः गणराज्या घोषणा याःगु, व्यक्तिगत सम्पत्ती कब्जा यायेगु ज्या याःगुलिं संविधान इलय् च्वये मफुसाः माओवादी हे जिम्मेवार जुइगु धयादिल । वयेकलं ल्वाभः दुगु पार्टीयात चुनावय् यंकाः प्रजातन्त्रवादीतय् दुर्गति जूगु धयादिल । अथे यानाः हे हानं छगू पार्टी नाप ल्वाभः दुगु इलय् हे संविधान च्वसाः मेगू दुर्घटना जुइगु धयादिल ।
