शान्ति प्रकृया स्यंकेगु षड्यन्त्र विरुद्ध संघर्ष यायेगु : प्रचण्ड
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' संविधान निर्माण व शान्ति प्रकृया स्यंकेत मेगू दलतय्सं विदशी शक्तिया आड काःगु द्वपं बियादीगु दु ।
बुधवाः पार्टी निकट अखिल नेपाल औद्योगिक मजदुर संघया स्वंक्वःगु राष्ट्रिय सम्मेलनय् न्ववानादिसें वय्कलं विदेशीया आडय् शान्ति प्रकृया स्यंकेगु व संविधान निर्माण यायेमबीगु षड्यन्त्र विरुद्ध संघर्ष यायेगु धयादिल ।
'शान्ति प्रकृया स्यंकाः न्हूगु संविधान निर्माण यायेगु मबीत देशी विदेशी षड्यन्त्र जूगु दु', वयेकलं धयादिल, - 'थंज्याःगु षड्यन्त्र व हस्तक्षेप, हैकमवादया विरुद्ध ल्वाये अवाश्यक जू । थुकी मजदुर वर्गया महत्वपूर्ण भूमिका जुइ ।'
वय्कलं अज्या:गु तत्त्वत माओवादीया शक्ति खनाः संविधानसभा विघटन यायेत स्वयाच्वंगु नं धयादिसें संविधानसभाय् माओवादी तःधंगु दल जूगुलिं विघटन यायेगु षड्यन्त्र जुयाच्वंगु धयादिल ।
अथेहे वय्कलं देशय् जूगु युगान्तकारी ह्यूपा बालुवाटार व सिंहदरवारय् मजुनीगु धयादिसें नेपाली जनता व माओवादी आन्दोलनपाखें जक थ्व सम्भव जूगु धयादिल ।
