संसदीय पुचः पाखें डुवान क्षेत्रया अध्ययन
नेपाः व भारत सीमा क्षेत्रय् उत्पन्न समस्याया स्थलगत भ्रमणय् वःगु अन्तर्राष्ट्रिय सम्बन्ध व मानव अधिकार अनुगमन पुचलं बुधवाः बाँकेया डुवान समस्याया अध्ययन याःगु दु । उगु पुचलं भारतया लक्ष्मणपुर ब्यारेज व सीमा नापसं देयेकूगु तटबन्धया कारण लाःगु असरयका बारे अध्ययन याःगु खः ।
भ्रमणय् दुगु उगु पुचलं बाँकेय् खनेदुगु डुवानया समस्या समाधान यायेत सुझाव सहित दवाव बीगु खँ धाःगु दु । भ्रमण दलया संयोजक पद्मबहादुर विश्कर्मां राप्ती खुसी नापसंया बस्तीयात डुवानं जोगे यायेत भारतं देयेकूगु तटबन्ध तछ्यायेत सुझाव मबीगु धयादिल । थ्वस्वयां न्ह्यःया अनुगमन समिितं धाःसाः टतबन्ध तछ्यायेगुया विकल्प मदुगु सुझाव ब्यूगु खः ।
भ्रमण पुचलं डुवान समस्याया बारे नेपाः व भारत निगूलिं पक्षया सरोकारवालत दथुइ आपसी सहलह यानाः समस्या समाधान यायेमाःगु खँ धाःगु दु ।
