न्हूगु ज्याझ्वःया निंतिं संघर्ष समितिया मुँज्या

येँ (सन्ध्या टाइम्स)/नेवाः स्वायत्त राज्य घोषणा याये धुंकाः आः छु ज्याझ्वः पित बीगु धइगु विषयय् सहलह ब्याकेत थौं नेवाः स्वायत्त राज्य मंकाः संघर्ष समितिया मुँज्या च्वनीगु जूगु दु। सनिलय् जुइगु उगु मुँज्याय् वंगु शनिवाः नेवाः स्वायत्त राज्य घोषणा ज्याझ्वलं लाःगु लिच्वः नापं उगु ज्याझ्वःया ब्यवस्थापनयात नं कयाः सहलह ब्याकेगु जुइ धाःगु दु ।