कन्हसंनिसें न्हिं न्हय्घौ लोड शेडिंग
येँ (सन्ध्या टाइम्स)/नेपाल विद्युत प्राधिकरणं कन्हय् बुधवाःनिसें न्हिं न्हय्घौ तक लोडसेडिङग यायेगु सुचं सार्वजनिक याःगु दु ।
जलस्रोतया धनीगु देय् जुयाः नं न्हिं प्यघौ जक लोडसेडिंग जूगु इलय् ला थःगु ज्याय् समस्या जुल धकाः धयाच्वंपिं नेपाःमि जनताया नितिं आः कन्हसंनिसें ला यःसां मयःसां वाःया ५१ घण्टा मत मदयेका च्वनेमालीगु अवस्था ब्वलंगु दु ।
चिकुलां खुसिइ लः म्हो जुइगु जुयाः विद्युत उत्पादन हे म्हो जुइगु खँ न्ह्यथँसें नेपाल विद्युत प्राधिकरणं कन्हय्निसें वाःया निन्हु च्याघौ अले मेगु दिनय् न्हय्घौ लोडसेडिङग जुइ धकाः सुचं सार्वजनिक याःगु खः ।
