बैंक दुने हे ग्राहकयात लुतेयात

पोखराया न्यूरोडय् च्वंगु हिमालयन बैंक पाखें मंगलवाः छम्ह ग्राहकपाखें न्हिनय् हे च्यागू लख तका ध्यबा खुयायंकूगु दु ।

चिप्लेढुङ्गा स्थित विनोद इन्टरप्राइजेजया प्रमोद गोयलया नांमं बैंक भौचर भरे यायेत वःम्ह मनोज चौहानया ल्हातं उगु ध्यबा खुयायंकूगु खः । बैंकय् तयातःगु सिसिटिभीया कथं बैंक दुने नं हे स्वम्ह अज्ञात मनूत वयाः ध्यबाः खुयायंकूगु क्यंगु दु । खुयायंकूगु थाय् नापसं सुरक्षागार्ड दुसां सर्तक अवस्थाय् मदुगुलिं लुटेरात बिस्यूवनेत ताः लाःगु खः ।

आः घटनास्थलय् प्रहरी नायव उपरीक्षक तुल्सीप्रसाद अधिकारी सहितया पुचः थ्यंकाः अनुसन्धानया ज्या न्ह्याकूगु दु ।