उर्जा मन्त्री नाप स्पष्टिकरण काइगु

संविधानसभाया राज्यया शासकीय स्वरुप निर्धारण समितिं उर्जा मन्त्री प्रकाशशरण महतनाप स्पष्टिकरण काइगु जूगु दु । समिति अर्न्तगतया कार्यदलं सभापति शम्भूहजारा पासवानाया ल्हातं निर्णय पुस्तिका लाकाःकाःगु सम्बन्धय् मन्त्री महतनाप स्पष्टिकरण कायेगु निर्णय याःगु खः ।

मंसिर १६ गते समितिया बैठकं थीथी विषयलय् जूगु मतदानया झ्वलय् छु नं पक्षया बहुमत मवयेवं यक्वः मत हःगु प्रस्तावयात प्रतिवेदनय् दुथ्याकेगु निर्णय न्यंकेगु झ्वलय् महतं निर्णय पुस्तिका लाकाःकाःगु खः ।

निर्णय पुस्तिका लाकाः कायेधुंका: अप्व:गु विवादया कारणं समितिं प्रतिवेदन तयार यायेफुगु मदुनी । कार्यदलं बिस्कं बिस्कं स्वंगू विषययात दुथ्याकाः प्रतिवेदा तयार यायेगु निर्णय याःगु दु ।