देय्न्यंकंया स्वास्थ्य संस्था ठप्प

येँ (सन्ध्या टाइम्स)/नेपाल चिकित्सक संघं सुरक्षा नापं न्हापा सरकारं याःगु सहमतियात कार्यान्वयन यायेमाः धकाः मागयाना आकस्मिक सेवा बाहेक फुक्कं कथंया सेवाः बन्द याःगु दु। उगु संघया आह्वानयात फुक्क चिकित्सकतय्सं समर्थन याःगु हुनिं थौं सुथंनिसें म्ह मफुपिनत वास यायेत समस्या ब्वलंगु दु। चिकित्सकतय्गु मागयात कयाः सहलह ब्याकेत मन्त्री परिषदया थौं अनौपचाकिर मुँज्या तकं च्वंगु दु। चिकित्सकतय्सं थःपिनिगु माग पूरा मजुल धाःसा आन्दोलनयात निरन्तरता बिइगु जुइ धकाः धाःगु दु ।