थौं संविधानसभाय् धर्ना
येँ (सन्ध्या टाइम्स)/आत्मनिर्णयया अधिकार, जातीय स्वायत्तता नापं स्वशासन, आदिवासी जनजातिया विषयसं नेपाःपाखें अनुमोदन यायेधुंकूगु फुक्क अन्तर्राष्ट्रिय सम्झौतायात तत्काल पूरा यायेमाःगु माग यानाः आन्दोलनय् कुहां वयाच्वंपिं नेपाःया आदिवासी जनजातित थौं संविधानसभाया पिने धर्ना च्वंगु दु ।
आदिवासी जनजाति वृहत्त मोर्चा नेपाःया आह्वानय् उगु कथं आदिवासी जनजातिया न्ह्यलुवाः नापं कार्यकर्तापिं थौं धर्ना च्वंगु खः। आन्दोलन याना वयाच्वंगु उगु मोर्चां वइगु विहिवाः १६ गते देय्न्यंकं मसाल जुलुस पिकायेगु अले १७ गते शुक्रवाः नेपाल बन्दया आह्वान याःगु दु ।
