थौं मुस्मांतय् मोहर्रम

येँ (सन्ध्या टाइम्स)/ईस्लाम धर्मालम्बीतय्सं थौं तःजिक मोहर्रम नखः हनाच्वंगु दु। इस्लामी संवत १४३१ हिजारीया न्हापांगु महिनाया १ तारिकनिसें न्ह्याइगु मोहर्रमया झिन्हुया न्हि थौं दकलय् लिपांगु दिनय् जुलुस पिकयाः मुस्मांतय्सं ताजिया विर्सजन याइगु चलन दु। थौं मस्मांतय्सं गरिब गुरुवायात दान बीगु नापं मेमेगु धार्मिक ज्याझ्वः यानाः हनी धकाः मोहर्रम कमिटीं धाःगु दु। इस्लाम धर्मया मोहम्मद सावया छय् हजरत हुसेन नापं ७२ म्ह सहिद जूगु लुमन्तिइ थ्व नखः हनाः अथे गरीबतय्त थीथी कथंया नसात्वँसा, कापः इनेगु चलन याना वयाच्वंगु खः।