१५० जवानयात स्वाइन फ्लु

स्वास्थ्य मन्त्रालयं नेपाः दुने १५० जवानयात स्वाइन फ्लु जूगु पुष्टि याःगु दु । उकी मध्ये दकलय् अप्वः येँ स्वीन्याम्हसिके स्वाइन फ्लु खनेदुगु खँ धाःगु दु । स्वाइन फ्लु जूपिं मध्ये पीप्यम्हे मिसाः जूगु खँ नं मन्त्रालयं धाःगु दु ।

स्वास्थ्य सेवा विभागं सोमवाः छगू विज्ञप्ति पिथना स्वाइन फ्लु लगे जूपिं मध्ये खुइगु प्रतिशत झिंन्यादँ निसें पीन्यादँ दुपिं दुगु खँ धाःगु दु । अथेहे स्वाइन फ्लु पाखें संक्रमित येँ बाहेक कास्कीलय् स्वीनिम्ह, पर्वतय् झिंछम्ह, चितवनय् नीस्वम्ह, यलय् न्याम्ह, म्याग्दीलय् प्यम्ह, इलामय् निम्ह, सुनसरीलय् छम्ह व मोरङय् छम्ह दुगु खँ धाःगु दु ।

थ्वहे दथुइ चितवन छेँ जुम्ह स्वीछदँया मिसाःया नीन्यान्हु तक वासः याकाः नं सुधार मजुइवं मंसिर २० गते मदुगु खःसा ख्वपःया नीगुदँया मेम्ह मिसायात नं नीगुन्हु तक वासः याका नं सुधार मजुइवं पुसं ९ गते मदुगु खः ।