'थप कार्यवधि दुने शान्ति प्रकृया क्वचाइगु विश्वास'

राष्ट्रसंघीय नियोग अनमिनया प्रमुख करिन ल्यानग्रेनं आः थप यायेत्यंगु अनमिनया ईया दुने शान्ति प्रकृया निष्कर्षय् थ्यनीगु विश्वास प्वंकादीगु दु ।

सोमवाः सुथय् एनेकपा (माओवादी)या मुख्यालय पेरिस डाँडाय् अध्यक्ष पुष्पकमल दाहाल 'प्रचण्ड' नाप जूगु खँल्हाबंलाय् वयेकलं थंज्याःगु विश्वास प्वंकादीगु खः । अनमिनया कार्यवधि थ्वहे माघया न्हापांगु वाःलय् फुइत्यंगु दु । अनमिनया म्याद थपया निंतिं सरकारं राष्ट्रसंघीय सुरक्षा परिषदयात इनाप यायेगु तयारी यानाच्वंगु दु ।

अथेहे ल्यानग्रेन व प्रचण्ड दथुइ अनमिनया कार्यवधि, लडाकुया बहिर्गमन व पुर्नस्थापना सेना समायोजन व शान्ति प्रकृया लगायतया विषयलय् खँल्हाबंला जूगु खः ।