स्थानीय निकायया कर्मचारीत सोमवा: निसें ज्याय् लिहांवनीगु

थीथी माग यानाः आन्दोलन यानावयाच्वंपिं स्थानीय निकायया कर्मचारीतय्सं सोमवाः निसें ज्या शुरु याइगु जूगु दु ।

आइतवाः येँ स्थानीय कर्मचारी व सरकारी अधिकारीत दथुइया वार्ताय् सरकारं उमिगु माग पूवंकेगु प्रतिवद्धता प्वंकेवं कर्मचारीत ज्याय् लिहांवनेत सहमत जूगु खः । अथे खःसां कर्मचारीतय्सं स्ववाः दुने थःपिनिगु माग कार्यान्वयन मजुसाः हानं आन्दोलनय् लिहांवयेकगु ख्याच्वः ब्यूगु दु ।

कर्मचारीतय्सं २०५९ साल असारं निसें कार्यरत कर्मचारीया दरबन्दी कायम यानाः स्थायी यायेमाःगु, निजामति कर्मचारी सहर व्यहार यायेमाःगु, स्थानीय सेवा ऐन कार्यान्वयन यायेमाःगु लगायत माग यानाः कर्मचारीतय्सं आन्दोलन यानाच्वंगु खः ।