महतो व केएमयात त्वःतेता सर्वोच्चया आदेश

झिलाः न्ह्यः पत्रकार ऋषि धमला नापं ज्वंपिं रामशुभक महतो व वीरेन्द्र केएमयात सर्वोच्च अदालतं साधारण तारेखय् त्वःतेत आदेश ब्यूगु दु । न्यायाधीशत रामकुमार प्रसाद साह व कृष्णप्रसाद उपाध्यायया इजलासं आइतवाः साधारण तारेखय् त्वःतेत आदेश ब्यूगु खः ।

छगू हे अभियोगय् झिलाः न्ह्यः धमला सहित महतो व केएमयात प्रहरीं ज्वंगु खः । धमलायात धाःसा न्हापा हे साधारण तारेखय् त्वःतेत पुनरावेदन अदालत यलं आदेश ब्यूगु खः । उगु ईलय् महतो व केएमयात थुनाय् तयाः कारवाही न्ह्याकेगु फैसला याःगु खः ।

डिल्लीबजार सदरखोरय् कुनातःपिं निम्हेसिया मुद्दा लित कायेगु निर्णय सरकारं बिहीवाः हे यायेधुंकूगु ख: ।