थिनंनिसें एमालेया केन्द्रीय बैठक
एमाले केन्द्रीय समितिया बैठक थिनंनिसें च्वनेत्यंगु दु । पार्टी ज्याकू बल्खुइ च्वनीगु उगु बैठकय् महासचिव झलनाथ खनालं न्ह्यब्वयादीगु राजनीतिक प्रतिवेदनयात कयाः सहलह याइगु खँ दु । केन्द्रीय समितिं पारित यायेवं उगु प्रतिवेदनयात पार्टीया च्याक्वःगु महाधिवेशनय् न्ह्यब्वइगु खँ दु ।
महासचिव खनालया प्रतिवेदनय् एमालेया संघीयता समावेशी व समानुपातिक सिद्धान्तयात मूल कार्यनीति दयेकीगु खँ धाःगु दु ।
लिसें थौं च्वनीगु बैठकय् संगठन विभागया प्रमुख अमृत कुमार बोहरां न्ह्यब्वयादीगु सांगठनिक प्रतिवेदनयात नं पारित याइगु खँ धाःगु दु ।
महासचिवया प्रतिवेनदय् एमालेया निर्देशक सिद्धान्त जुयाच्वंगु बहुदलीय जनवादयात परिमार्जन यायेमाः वा म्वाः धइगु खँय् विवाद ब्वलनेवं म्हिगः च्वंगु स्थायी कमिटीया बैठकं बहुदलीय जनवादयात समृद्धि यायेगु धकाः पारित याःगु खः । एमालेया च्याक्वःगु महाधिवेशन थ्वहे वइगु फागुन महिनाय् बुटवलय् जुइत्यंगु दु ।
