प्रचण्डपाखें भारतीय आधिकारिक धारणा माग

एकीकृत नेकपा (माओवादी)या अध्यक्ष पुष्पकमल दाहाल 'प्रचण्ड' व भारतीय राजदूत राकेश सुद दथुइ खँल्हाबंला जूगु दु । आइतवाः सुथय् प्रचण्ड निवास न्हू बजारय् जूगु खँल्हाबंलाय् वयेकल भारतीय सेनाप्रमुख दीपक कपुरया विवादास्पद अभिव्यक्ति बारे राजदूत सुद नाप भारत सरकारया अधिकारिक धारणा माग यानादीगु खः ।

माओवादी अध्यक्ष प्रचण्डं भारतीय सेनाप्रमुखं नेपा:या शान्ति प्रकृयाय् हस्तक्षेप यानाः सेना समायोजनया विषयलय् अभिव्यक्ति ब्यूगु बारे विषयलय् सहलह जूगु जानकारी माओवादी प्रवक्ता दिनानाथ शर्मां बियादिल । शर्मां राजदूत सुदं थुकीया बारे भारतीय सरकार नाप न्यनाः लिसः बिगु जानकारी ब्यूगु कनादिल ।

राजदूत सुद आइतवाः हे नियमित ब्रिफिङया निंतिं भारत वनेत्यंगु दु ।