बोस्टनय् छम्ह नेवाःयात गोलीं क्येकाः स्यात

अमेरिकाया बोस्टन सहरय् च्वंगु टेडसची फुड स्टोरय् ज्या याइम्ह सुरेन्द्र डंगोलयात शनिवाः अज्ञात पुचलं गोलीं क्येकाः स्याःगु दु । पीदँया डंगोलयात स्थानीय ई कथं न्हिनसिया प्यताः ईलय् गोलीं क्येकाः स्याःगु खः ।

डंगोलया सीम्ह आः ब्रिंघम एण्ड उमन्स् हस्पिटलय् तयातःगु दु । सिम्ह डंगोल छाती गोलीं लानाः घटनास्थलय् हे मदुगु खः । सक्वः छेँ जुम्ह डंगोलया जाहान व छम्ह म्हाय् नं छुं ई लिपा हे अमेरिका वनेगु तयारी यानाच्वंगु खः ।

प्रहरीं घटनया अनुसन्धान जुयाच्वंगु व आः तक गोलीं क्येकूम्ह सु व छाय् क्येकल धइगु सिकेमफुनीगु खँ धाःगु दु ।