घोषणा सभाय् मिडिया सेन्टरया व्यवस्था

येँया दशरथ रंगशालाय् जुइगत्यंगु नेवाः स्वायत्त राज्य घोषणासभाय् मिडिया सेन्टरया नं व्यवस्था याःगु दु । नेवाः जागरण संचार मञ्चं थुगु व्यवस्था याःगु खः ।

मञ्चं रंगसालाय् पत्रकारतय् निंतिं छगू विशेष व्यवस्था यानाः सभाया बारे जानकारी बीगु जूगु दु । अथेहे अन नेवाः भाषां जुयाच्वंगु ज्याझ्वःयात खस् नेपाली भासं नं अनुवाद यानाः मथुपिंत जानकारी बीगु ज्याझ्वः दु । अथेहे घोषणासभा व ज्याझ्वःया बारे दक्वं खँया जानकारी थ्वहे मिडिया सन्टेरं बीगु व्यवस्था दुगु खँ मञ्चं धाःगु दु ।

जागरण मञ्चया संयोजक सुजिव बज्रचार्यं शनिवाः सुथय्या च्याताः इलं निसें अन पत्रकारत वनाः ज्या शुरु याये धुंकूगु कनादिल । वयेकलं अन जागरण संचार मञ्चया झिम्ह स्वयां अप्वः पत्रकारत च्वनाः ज्या यानाच्वंगु कनादिल ।