कन्हय् वंघलय् सभा व र्याली
येँ (सन्ध्या टाइम्स)/नेवाः स्वायत्त राज्य घोषणा ज्याझ्वःया प्रचार यायेत कन्हय् ग्वसाः खलः नेवाः स्वायत्त राज्य मंकाः संघर्ष समितिपाखें येँया वंघलय् छगू सभा याइगु जूगु दु। कन्हय् सनिलया ५ बजे उगु सभा याइगु ग्वसाः दु। सभा लिपा अनं तुं प्रचार र्याली पिकाइगु खँ धाःगु दु ।
थ्वहे झ्वलय् कन्हय् हे न्हिनय् बसन्तपूया भ्वय्छेँ रेष्टुरेन्टय् भाजु मल्ल के. सुन्दरया संघीय नेपाल सम्बन्धी सफू विमोचन याइगु ग्वसाः दु। नेवाः जागरण सञ्चार मञ्चया ग्वसालय् उगु ज्याझ्वः जुइत्यंगु खः ।
थ्वहे झ्वलय् पुस ११ गतेया ज्याझ्वलय् नेवाः खलः पुचःतय्सं ब्यानर जक थःगु पुचःया ज्वनेगु, ध्वाँय् चाहिं नेवाः ध्वाँय् हे ज्वनेमाःगु खँ ग्वसाः खलकं स्पष्ट याःगु दु। थःगु लःया ध्वाँय् मज्वनेत नं समितिं इनाप याःगु दु ।
