बैंकया गार्डयात स्यानाः ३८ लाख लुट
सिन्धुलीया सदरमुकामय् च्वंगु राष्ट्रिय वाणिज्य बैकय् थौं चान्हय् हतियारधारी पुचलं लुटे यानायंकूगु दु ।
ल्वाभः सहित वःगु पुचलं अनया सुरक्षाकर्मी गणेश धाइम्ह मणि श्रेष्ठयात गः कियाः स्यानाःलि बैंकया दराज तछ्यानाः अन तयातःगु ४० लाख मध्यय् ३८ लाख तका ध्यबा ज्वनावंगु खः । २ लाखध्यबा धाःसा उमिसं लँय् तुं कुर्का थकूगु खँ स्थानीय प्रहरीं धाःगु दु ।
लुटेरातय्सं बैंकया सुरक्षाया नितिं च्वनाच्वंपिं छम्हेसित स्यायेगु लिसें मेपिं निम्ह सुरक्षाकर्मीयात उपिं द्यनाच्वंगु क्वथाय् पिनें चकू तयाः कुना बिउगु खः ।
बैंक लुटे याःपिंत ज्वनेगु नितिं प्रहरीं अन व्यापक सुरक्षाकर्मी परिचालन याःगु दु ।
