१७ वडाय् सक्रिय पुचः स्वन
येँ (सन्ध्या टाइम्स्)/येँ १७ वडा स्वाँछपु त्वाःया सिमि्रक युवा परिवारया ज्याकुथिइ नेवाः स्वायत्त राज्य मंकाः संघर्ष समितिया मू दुजःपिं डा. महेशमान श्रेष्ठ व वीरेन्द्रभक्त श्रेष्ठपिनि उपस्थितिइ छगू ज्याझ्वः जुल। पुलांम्ह वडाध्यक्षपिं बिजय बहादुर माली व महेन्द्र विलास जोशी नापं पुलांम्ह सांसद लक्ष्मीदास मानन्धर लगायत १७ वडाय् लाःगु थीथी त्वाःया थीथी ख्यःयापिं मनूतय्सं ब्वति काःगु उगु मुँज्यां शनिवाः जुइगु नेवाः स्वायत्त घोषणा सभा ताःलाकेत नेवाः ध्वाँय् ज्वनाः वडाया छेँय् छेँय् जागरण अभियान न्ह्याकेगु नापं सचेत सभा यायेगु क्वःछिउगु खः। लिपा अमृत स्यस्यं 'नेवाः राष्ट्रिय म्येँ' हाःबलय् सकलें सम्मानपूर्वक दनाः सभा नं क्वचायेकूगु खः ।
येँया दशरथ रंगशालाय् शनिवाः जुइगु 'नेवाः स्वायत्त राज्य' घोषणा ज्याझ्वः बारे थुगु वडाया सकलसित ध्वाथुइकेत व ब्वति कायेया लागिं बिजय बहादुर माली नायः व महेन्द्र विलाश जोशी छ्याँञ्जे जुयादीगु १७ वडा कचा नीस्वंगु खः ।
