अनिश्चितकाल तक उच्चमावि बन्द
येँ (सन्ध्या टाइम्स)/थःपिनि माग पूरा यायेमाःगु माग यासें उच्च माध्यमिक शिक्षक एसोसिएसनं थनिंनिसें देय्न्यंकंया निजी नापं सामुदायिक उच्चमावि अनिश्चित काल तकया नितिं बन्द याना बिउगु दु। थुकिं यानाः उच्च माविया लखौं विद्यार्थीत आखः ब्वने मखंगु दु ।
उच्च मावियात स्थायी सम्बन्धन बीमाःगु, विषयगत ब्यवस्था यायेमाःगु, निजी उच्चमावि व्यवस्थापन यायेमाःगु, पुलांगु सम्झौतात कार्यान्वयन यायेमाःगु नापं उच्च मावि तहलय् ज्या यानाच्वंपिं शिक्षकतय्गु सेवा सुविधाया माग यासें एसोसिएसनं लत्या न्ह्यः हे झिगू बुँदाया माग प्रधानमन्त्रीयात लःल्हाःगु खः। थःपिनि माग पूरा मयाः धासें चरणबद्ध आन्दोलन याना वयाच्वंपिं शिक्षकतय्सं उच्च माध्यामिक शिक्षा परिषद्या केन्द्रीय व क्षेत्रीय ज्याकुथी तकं तालं ग्वयेगु ख्याच्वः बिउगु दु ।
देय्न्यंकं उच्च माविइ थ्यंमथ्यं नीद्धः शिक्षक व प्यंगूत्या लाख विद्यार्थी दु ।
