स्थानीय कर्मचारीपाखें सिंहदरवारय् घर्ना
येँ (सन्ध्या टाइम्स)/आन्दोलनरत देय्न्यंकंया स्थानीय निकायया कर्मचारीतय्सं थौं येँय् विरोध प्रदर्शन यानाः सिंहदरवारय् धर्ना बिल ।
स्थानीय निकाय कर्मचारीतय्सं वंगु पुस ५ गतेनिसें फोहोर मुनेगु ज्या तकं ठप्प याना बिउगुलिं येँ नापं देय्या मू मू शहरय् फोहोर द्वँचिंगु दु ।
थ्वहे झ्वलय् सामान्य प्रशासन मन्त्री रविन्द्र श्रेष्ठं सहलहया नितिं धकाः थःगु ज्याकुथी हे सःताः म्हिगः निजामति कर्मचारीतय्त ख्यायेगु ज्या यात धकाः न्यागू निजामति कर्मचारी संगठनं थौं प्रधानमन्त्री माधव नेपालयात नापलाना मन्त्री श्रेष्ठयात कारवाही यायेमाःगु माग यायेत्यंगु दु। यदि कारवाही मयात धाःसा आन्दोलन यायेगु ख्याच्वः नं बिउगु दु ।
