देय्न्यंकया उच्च मावि अनिश्चितकालीन बन्द

स्थायी सम्बन्धन लगायतया माग यानाः आन्दोलनय् कुहांवःपिं शिक्षकतय्सं बिहीवाः निसें देय्न्यंकया उच्च माध्यमिक विद्यालयत अनिश्चितकालया निंतिं बन्द याःगु दु । बन्दया न्हापांगु न्हि देय्न्यंया निजी व सामुदायीक उच्च माध्यामिक विद्यालयया पठनपाठन ठप्प जूगु दु ।

सामुदायीक उच्च मावियात स्थायी सम्बन्ध बीमाःगु, शिक्षकतय्त नियुक्तिपत्रया व्यवस्था यायेमाःगु, तलव सुविधा अप्वयेके माःगु लगायतयात माग यानाः शिक्षकतय्सं आन्दोलन न्ह्याकूगु खः ।