संविधानसभा कार्यतालिकाय् च्याक्व:गु पटक संशोधन

ईलय् हे संविधान च्वइगु बारे शंका उत्पन्न जुयाच्वंगु ईलय् संविधान निर्माण कार्यतालिकाय् च्याक्व:गु खुसीइ संशोधन या:गु दु । कार्यव्यवस्था परामर्श समितिया बुधवा: च्वंगु बैठकं मंसिर मासन्त तक समितिया प्रतिवेदनय् सहलह यायेत फ्यानात:गु ईयात आ: माघ मसान्त तक अप्वयेकूगु दु ।

अझ नं संविधानसभाया स्वंगु समितिया प्रतिवेदन तयार मजूनिगुलिं संविधानसभा कार्यतालिकय् च्याक्व:गु पटक संशोधन या:गु ख: । संवैधानिक समिति, राज्यया शासकीय स्वरुप नापं राज्य पुनर्संरचना समिति व राज्य शक्तिया बाँडफाँड समितिं अझ नं प्रतिवेदन ल:मल्हानी ।

च्याक्व:गु पटक कार्यतालिका संशोधन यासां नं संविधान जारी यायेगु मिति धा:सा: १५ जेठ २०६६ हे कायम या:गु दु ।