छगू लख लःल्हात

येँ (सन्ध्या टाइम्स)/नेवाः स्वायत्त राज्य घोषणासभाया नितिं नेवाः जागरण मंचया व्यापारी कवःपाखें थौं छगू ज्याझ्वःया दथुइ नेवाः स्वायत्त राज्य मंकाः संघर्ष समितियात छगू लख तका दां लःल्हाःगु दु। उगु हे कथं नेवाः देय् गुथि नेपाल मण्डलया तःकेहेँ गुथि नापं लागा व थीथी कचाया प्रतिनिधितय्गु दथुइ नं सहलह मुँज्या यायेत्यंगु दु। नेवाः जागरण मंच व नेवाः देय् गुथि नेपाल मण्डल निगुलिं मंकाः संघर्ष समितिइ दुथ्यानाच्वंगु घटकत खः ।