जनजातिया ऐक्यबद्धता
येँ (सन्ध्या टाइम्स)/नेपाल मण्डलया आदिवासी सकल नेवाःतय्सं मंकाः कथं नेवाः स्वायत्त राज्य घोषणा याइगु ज्याझ्वःयात नेपाःया थीथी आदिवासी जनजाति ख्यलं ऐक्यबद्धता प्वंकूगु दु ।
नेपाःया आदिवासी जनजातितय्गु मंकाःगु संगठन नेपाल आदिवासी जनजाति महासंघ, आदिवासी जनजाति वृहत्त संयुक्त मोर्चा, आदिवासी जनजाति वृहत्त मोर्चा नेपाल नापं जातीय स्वायत्तता लगायत स्वशासनया माग याना वयाच्वंगु थीथी खलः पुचःतय्सं नं विज्ञप्ति पिथनाः, घोषणा सभाय् ब्वति कयाः व थीथी माध्यमपाखें नेवाः राज्य घोषणा प्रति ऐक्यबद्धता प्वंकीगु जूगु दु ।
