सक्वया मनू ज्वन

येँ (सन्ध्या टाइम्स)/सक्वय् म्हिगः माओवादी विरुद्ध कुहां वःम्ह छम्ह स्थानीय मनूयात थौं वाईसीएलं ज्वना यंकूगु खँ वया थःथितिपिंसं धाःगु दु। सक्वं येँया जोरपाटीइ पसः चायेकः वःम्ह जयराम श्रेष्ठयात वाईसीएल कार्यकर्तातय्सं ज्वना यंकूगु खः। म्हिगःया घटनायात कयाः थौं सक्वया दुवातय् च्वनाः स्थानीय जनतालिसे वार्ता यायेगु धाःसां वार्ता धाःसा मजूनि। म्हिगः बन्दया इलय् माओवादी समर्थित छगू सहकारी चायेकल धकाः सक्वया स्थानीय जनतां जुलस सहित विरोध याःगु खः ।