संविधान निर्माणया कार्यतालिकाय् च्याक्व:गु खुसिइ संशोधन याइगु

संविधान निर्माणया कार्यतालिका च्याक्व:गु खुसिइ संशोधन यायेगु तयारी जुगु दु । थीथी समितितय्सं क्वःछिउगु इलय् ज्या यायेमफया सविधान निमार्णया कार्यतालिका ता:हाक जुइत्यंगु खः ।

संविधान पिथनीगु मितीइ फरक मजुइकथं कन्हय् च्वनीगु संविधानसभाया बैठकं संविधान निर्माणया सशोधित कार्यतालिकायात अनुमोदन यायेगु जानकारी ब्युगु दु । मस्यौदा तयार याये ल्यंदनीगु स्वंगु समितिया मस्यौदा दथुइ माघया न्हापांगु वाःया दुने सहलह यायेधुंकीगुकथं तालिका परिवर्तन जुइत्यंगु खः । जनमत संकलनया निंतिं क्वछिनात:गु इलय् छवाः क्वपालेत्यंगु दु । परिवर्तित कार्यतालिकां कन्हय् च्वनीगु कार्यव्यवस्था परामर्श समितिया बैठक लिपा लिपांगु रुप काइ ।