रौतहट व बाँकेय् अपहरण

येँ (सन्ध्या टाइम्स)/रौतहट व बाँकेय् वंगु चान्हय् म्हमसिउपिं मनूतय्सं निम्हेसित अपहरण याना यंकूगु दु। रौतहटया जटहरा गाविस-७ या पाउरोटी व्यापारी रामशरण पण्डितयात चान्हय् थःगु हे छेँय्नं अपहरण यानायंकूगु खः।
अपहरण यायेगु झ्वलय् अपहरणकारीतय्सं गोलीं तकं कयेकूगु खँ धाःगु दु। अथे हे बाँकेया फत्तेपुरया कमल मुकेरीयात वंगु चान्हय् नकाव पुनावःपिं मनूतय्सं अपहरण याना जंगलपाखे यंकूगु दु। अपहरणकारीतय्सं मुकेरीयात त्वःतेगु खःसा छगू लाख तका ध्यबा माः धकाः माग याःगु खँ सीदुगु दु। रौतहट व बाँकेय् अपहरण यानायंकूपिं थुपिं मनूतय्त अपहरणं मुक्त यायेत नापं अपहरणकारीतय्त ज्वनेगु निंतिं रौतहटया जटहरा लागा व बाँकेया फत्तेपुर लागाय् स्थानीय प्रहरीत व्यापक रुपं परिचालन याःगु दु ।