किसिया आक्रमणय् लानाः निम्ह मंत

येँ (सन्ध्या टाइम्स)/धनुषा जिल्लाय् थौं सुथय् जंगली किसिं आक्रमण यानाः निम्हेसित स्याना बिउगु दु। बतेश्वर गाविसय् वःम्ह किसियात ख्याना छ्वयेत्यंगु इलय् आक्रमणय् लानाः झिंनिदँ दुम्ह पुनकुमार महतो व ७० दँ दुम्ह जागुदेवी महतो सीगु खः। किसिं आक्रमण याइ धकाः अन न्हियान्हिथं हे स्थानीय मनूत चान्हय् पिवाः च्वनाच्वंगु दुसा निवाःया दुने हे अन किसिया आक्रमणय् लानाः प्यम्ह मनू सीधुंकूगु दु ।