बस्नेत प्रकरण अध्ययन यायेत कोर्ट अफ इन्क्वाएरी गठन
नेपाली सेनाया मेजर निरञ्जन बस्नेतयात राष्ट्रसंघीय मिसनं लितसःतुगु बारे अध्ययन यायेत सहायकरथी प्रदीपबहादुर सिंहया संयोजकत्वय् स्वम्ह दुजः दुगु कोर्ट अफ इन्क्वाएरी गठन याःगु दु ।
प्राड विभाग व कार्यरथी विभागया सुझावया आधारय् प्रधानसेनापति छत्रमानिसंह गुरुङं सोमवाः इन्क्वाएरी बोर्ड गठन यानादीगु खः । बोर्डय् हेडक्वार्टरय् कार्यरत महासेनानी शिवराम खरेल व सैनिक प्रहरीया प्रमुख सेनानी रविन्द्र केसी दुजः कथं च्वनादीगु दु ।
बार्डं आवश्यक जूसाः न्ह्या:गु ईलय् न्ह्याम्ह नाप नं न्यने-कने याये व बयान काये फइ । दक्वं प्रमाण स्वयेधुंकाः बोर्डं राय सहितया प्रतिवेदन लःल्हाइ । बोर्डयात अनुसन्धान यायेत ई मालीगुलिं प्रतिवेदन लःल्हायेत निश्चित ई धाःसाः क्वछीउगु मदु ।
मेजर बस्नेतयात वंगु मंसिर २९ गते राष्ट्रसंघीय शान्ति मिसन चाडं लित सःतुगु खः ।
