बन्दय् फोहोरया द्वँ
येँ (सन्ध्या टाइम्स)/आन्दोलनय् कुहां वयाच्वंपिं स्थानीय निकायया कर्मचारीतय्सं आन्दोलनया झ्वलय् फोहोर मुनेगु ज्या म्हिगःनिसें अनिश्चितकाल तकया नितिं बन्द याःगु नापं माओवादीया स्वन्हुयंकं नेपाल बन्दं यानाः येँ, यल नापं ख्वपय् लँय् लँय् फोहोर मुनाः दुर्घन्धित जूगु दु ।
येँया मू मू सतकंनिसें गल्लि गल्लिइ तकं फोहोर मुनाच्वंगुलिं नवयाः वये-वने यायेत हे समस्या ब्वलंगु दु। माओवादीया बन्द आःया निंतिं कन्हय् क्वचाइगु जूसां फोहोरया समस्या धाःसा निरन्तर जुइगु खँ धाःगु दु। स्थानीय निकायया कर्मचारीतय्सं न्ह्याकाच्वंगु आन्दोलनया झ्वलय् म्हिगःनिसें अत्यावश्यक सेवा अनिश्चितकाल तकया निंतिं बन्द धकाः फोहोर नं मुंका यंकेगु ज्या बन्द याःगु खः ।
