वैदिक प्रतिष्ठानया सम्पर्क समिति
येँ (सन्ध्या टाइम्स)/वैदिक प्रतिष्ठानं येँ, यल व ख्वपय् जिल्ला सम्पर्क समिति स्वंगु दु। आः नकतिनि जूगु प्रतिष्ठानया मुँज्यां स्वंगुलिं समितियात संस्थाया साइनबोर्ड व माइन्युट लःल्हायेगु ज्या जूगु खः ।
प्रतिष्ठानया येँ जिल्ला समितिया संयोजक विजय शर्मा खःसा यलया संयोजक सुशील जुजु राजोपाध्याय व ख्वपया संयोजक जनार्जन शर्मा खः ।
वैदिक प्रतिष्ठानया न्वकु महेश्वर जुजुया सभापतित्वय् जूगु उगु ज्याझ्वलय् विष्णुधर राजोपाध्यायं लसकुस यानादीगु खःसा प्रतिष्ठानया मूछ्यांज्ये राजेन्द्रधर राजोपाध्यायं ज्याझ्वः न्ह्याकादीगु खः ।
