लोडशेडिङय् द्यः खुया यन
लोडशेडिङ जुयाच्वंगु पाः लाकाः यलया तंगः चोकोबाहाःया रत्नपाणी बोधिसत्व द्यः खुयायंकूगु दु । वंगु चान्हसिया २ निसें ८ बजे तक लोडशेडिङ जुयाच्वंगु इलय् उम्ह द्यः खुयायंकूगु खः । साढे ३ फिट तजाःम्ह उम्ह ल्वहंयाम्ह खः ल्ह्वनेत तकं झिम्ह मनू मालीगु खँ धाःगु दु । अन तयातःम्ह रक्तचन्दनयाम्ह पुलांम्ह द्यः थिनं २० दँ ति न्ह्यः खुयायंकूगुलिं लिपा ल्वहंयाम्ह द्यः दयेकाः तःगु खः ।
न्हिंन्हिं पुजा यायेमाःम्ह उम्ह द्यः थौं सुथय् ५ बजेपाखे पुजा यायेत स्वःबलय् तिनि खुयायंकातःगु सीदुगु खः । खुँतय्सं बहाःया निगू लुखा स्यंकाः द्यः खुया यंकूगु खः ।
