आन्दोलन त्वःतादिसं : कोइराला
नेपाली कांग्रेसया सभापति गिरिजाप्रसाद कोइरालां आन्दोलनरत एनेकपा (माओवादी)या अध्यक्ष पुष्पकमल दाहाल 'प्रचण्ड'यात आन्दोलन त्वःतेत इनाप यानादीगु दु । माओवादीं घोषणा यानातःगु आमहड्तालया ज्याझ्वः सतिना वनेवं कोइरालां प्रचण्डयात थंज्याःगु इनाप यानादीगु खः ।
शुक्रवाः निम्ह नेतात दथुइ जूगु खँल्हाबंलाय् देया शान्ति प्रकृया स्यनीगु व संविधान ईलय् निर्माण मजुइगु पाखे वनाच्वंगु प्रति सभापति कोइरालां गम्भीर च्यूताः प्वंकादिसें थ्व ईलय् आन्दोलन त्वःतेत इनाप यानादीगु खः ।
वर्तमान समसामयिक राजनीतिक अवस्था बारे सहलह यायेत माओवादी अध्यक्ष प्रचण्ड कोइराला निवास थ्यंकादीगु खः । बाघौ तक जूगु खँल्हाबंलाय् प्रचण्डं राष्ट्रपतिया लपाःया बारे छुं नं छुं ढंगं सम्बोधन यानाः गतिरोध क्वचायेकेत ग्वाहालि यायेत प्रचण्डं कोइरालायात इनाप यानादिल ।
खँल्हाबंला लिपा पत्रकारत नाप कोइराला सहमतिया निंतों सकारात्मक जूगु व गृहकार्यया निंतिं कार्यदलयात थप सक्रिय देयेकेगु धयादिल ।
