अष्टमातृका र्याली यायेत ज्यापु महागुथिया समिति
येँ (सन्ध्या टाइम्स)/थ्वहे वइगु पुस ११ नेवाः स्वायत्त राज्य घोषणा ज्याझ्वलय् थःपिनि ऐक्यवद्धता क्यनेगु लागिं ज्यापु महागुथिं वकुन्हु येँदेय्या अष्ट मातृका चाःहिलाः र्याली पिकायेगु निर्णय याःगु दु। म्हिगः च्वंगु महागुथिया मुँज्यां मूछ्यांज्ये राजभाई जकःमिया संयोजकत्वय् २९ म्ह दुजः दुगु र्याली व्यवस्थापन समिति नं नीस्वंगु दु। उकिया सचिवय् हिराकाजी महर्जन च्वनादीगु दुसा दुजलय् राजभाइ ज्यापु, उर्मिला डंगोल, मंगलकृष्ण सिं, मचाराजा महर्जन, बाबुराजा प्रजापति, प्रेमभक्त महर्जन, नन्दकुमारी महर्जन, पूर्णकाजी ज्यापु, प्रमिला सिंह, रत्नशोभा महर्जन, विमला महर्जन, नानी हेरा महर्जन, सन्तु महर्जन, धर्म मुनिकार, सत्यनारायण डंगोल, नजरराम महर्जन, ज्ञानबहादुर महर्जन, अमृतमान महर्जन, धीर सुवाल, विनोद महर्जन, नरेश महर्जन, निशान महर्जन, राजेन्द्र महर्जन, महेश्वर महर्जन, कुलबहादुर महर्जन, दशराम महर्जन व गम्भीरमान महर्जन च्वनादीगु दु ।
मुँज्यां शम्भुराम महर्जनया संयोजकत्वय् गुम्ह दुजः दुगु राजनीतिक प्रशिक्षण समिति नं स्वंगु दु।
नायः विपेन्द्र महर्जनया सभापतित्वय् जुइगु मुँज्याय् महागुथिया केन्द्रीय समिति, यल जिल्ला समिति, येँ महानगर समिति, किपू नगर समिति, येँ उत्तर गां क्षेत्रीय समिति, येँ पश्चिम गां क्षेत्रीय समिति, येँ दक्षिण गां क्षेत्रीय समिति, मकवानपुर समिति, फर्पिङ्ग क्षेत्रीय समिति, ख्वप जिल्ला समितिया पदाधिकारीतय् उपस्थिति दुगु खः ।
