नेपाः पार्टीं नं नेवाः राज्य घोषणा
येँ (सन्ध्या टाइम्स)/नेवाः स्वायत्त राज्यया निंतिं माग याना वयाच्वंगु नेपाः राष्ट्रिय पार्टीं नं नेवाः स्वायत्त राज्य घोषणा याइगु जूगु दु। नेपाः पार्टीया नायः डा. केशवमान शाक्यं 'सन्ध्या टाइम्स'लिसे खँ ल्हासें थःपिंसं नं नेवाः स्वायत्त गणराज्य घोषणा यायेगु तयारी यानाच्वनागु जानकारी बियादिल। संघीय गणतन्त्र नेपालय् नेवाः स्वायत्त राज्य संविधानय् च्वकेगु निंतिं छगू कथं मानसिक दवाव बीत नं नेवाः स्वायत्त राज्य घोषणा यायेमाःगु खँ कनादिसें वय्कलं थःपिनि पार्टीं तयार याःगु नेवाः स्वायत्त गणराज्यया अवधारणा नं पित बीगु जुइ धयादिल। नेवाःतय्सं मंकाः रुपं पुस ११ गते नेवाः स्वायत्त राज्य घोषणा यायेत्यंगु दुसा माओवादीं म्हीग नेवाः स्वायत्त गणराज्य घोषणा याःगु खः ।
