नेपाल प्रहरीलय् ३० वर्षे सेवा लागू
सरकरां नेपाल प्रहरीलय् ३० वर्षे सेवा लागू याःगु दु । सरकारं बुधवाः राजपत्र पथिना प्रहरी नियमावली २०६६ (झिंखुक्व:गु संशोधन) पिथना ३० वर्षे सेवा लागू याःगु खः । संशोधित प्रहरी नियमावली कथं स्वसलं मल्याक प्रहरीत थ्वहे चैतय् अवकाश जुइ ।
अथेहे थ्व व्यवस्था लागू जुइवं स्वीदँया सेवा अवधि पुलाः नं म्याद थप यानाः आः तक कार्यरत न्हय्न्हय्म्ह प्रहरी अधिकृत थ्व लागू जूगु न्हिया निसें हे स्वतः आवकाश प्राप्त या:गु दु । प्रहरी नियमावली २०४९ पाखें ३० बर्षे सेवा अवधि थ्यंपिं सुरक्षाकर्मीया निदँ थप यायेफइगु व्यवस्थायात संशोधन यानाः लिकायेवं थ्व नियम लागू जूगु खः ।
नियम संशोधन जुयाः ३० वर्षे नियम लागू जुइवं अवकाश जुइपिंलय् छम्ह प्रहरी निरीक्षक, न्यय्स्वम्ह एसपी, न्याम्ह डिएसपी, झिंछम्ह प्रहरी निरीक्षक, न्यय्स्वम्ह नायव निरीक्षक व प्यम्ह सहायक निरीक्षक दु ।
अवकाश जूपिं उच्च अधिकृतय् एसएसपी वीरबहादुर राना, एसपीत जयबिष्णु नेपाली, मायाकुमार शाह, रामलगन यादव व मोहनबहादुर खड्का दु । अथेहे अवकाश दुपिं डिएसपीलय् कृष्णबहादुर चन्द, ओमकुमार श्रेष्ठ, दयानन्द मल्लिक व रेशमबहादुर खड्का दु ।
प्रहरी निरीक्षकत मानबहादुर ढकाल, रामजी अधिकारी, लालबहादुर रानामगर, खिलबहादुर केसी, बुद्धबहादुर भारती, मानबहादुर दर्लामी, मानबहादुर पुन, खडगबहादुर थापा, रामसिंह बिष्ट, मदनसिंह राना र अमरबहादुर क्षेत्रीं अवकास प्राप्त या:गु दु ।
