थौं तमुवान व मगरात गणराज्य घोषणा

येँ (सन्ध्या टाइम्स)/माओवादीं थौं तमुवान व मगरात स्वायत्त गणराज्य घोषणा याइगु जूगु दु। पोखराय् माओवादी नेता देव गुरुङं तमुवान व पाल्पाय् रामबहादुर थापा बादलं मगरात स्वायत्त गणराज्य घोषणा यानादीगु ज्याझ्वः दु।
माओवादीं आः तक लिम्बुवान, कोचिला, सेती-महाकाली, थारुवान, किराँत, शेर्पा, भेरी-कर्णाली, भोटे-लामा स्वायत्त गणराज्य घोषणा यायेधुंकूगु दुसा म्हिगः तिनि नेवाः व ताम्सालिङ स्वायत्त गणराज्य घोषणा याःगु खः। मिथिला, भोजपुरा व अवध ल्वाकछ्यानाः कन्हय् मधेश राज्य घोषणा याइगु ज्याझ्वः दु ।