तमुवान घोषणाया विरोधय् बन्द

येँ (सन्ध्या टाइम्स)/माओवादीं थौं यायेत्यंगु तमुवान स्वायत्त गणराज्य घोषणाया विरोधय् कास्कीया थीथी राजनीतिक दललिसे आवद्ध विद्यार्थीतय्सं शैक्षिक हडताल याःगु दु। हडतालं यानाः कास्कीया सम्पूर्ण शिक्षण संस्था बन्द जूगु दु। नेकांया नेवि संघ, एमालेया अनेरास्ववियु, राष्ट्रिय जनमोर्चाया अनेरास्ववियु छैटौं व फोरमया मधेसी विद्यार्थी फोरम (लोकतान्त्रिक) पाखें मंकाः कथं थ्व बन्द याःगु खः। उमिसं गणराज्य घोषणा थःपिंत नितिं मान्य मजू धासें थ्व बन्दया घोषणा याःगु खः ।