आवश्यक जुसाः सुरक्षाकर्मी थप याइगु : गृहमन्त्री

गृहमन्त्री भीम रावलं जनताया निंतिं आवश्यक जुसाः सुरक्षाकर्मी थप यायेगु खँ धयादीगु दु ।

विशेष सुरक्षा योजना अनुगमन यायेत बिहीवाः खोटाङया दिक्तेल थ्यंकादिम्ह रावलं अनया सुरक्षा बेसक्याम्पत निरीक्षण लिपाः पत्रकारत नाप खँल्हाबंला यानादिसें विशेष सुरक्षा योजना प्रभवकारी ढंगं कार्यान्वयन जूगु दाबी यानादिल । वयेकलं थःगु कार्यकालय् सुरक्षा स्थिति मजबुद जूगु दाबी यानादिसें सरकार पाखें थप सुविधा व ग्वाहालि यायेगु आश्वासन सुरक्षाकर्मीतय्त बियादिल ।

उगु ईलय् गृहमन्त्रीयात जिल्लाया सुरक्षास्थितिया बारे प्रमुख जिल्ला अधिकारी केशवराज आचार्यं जानकारी बियादीगु खः । गृहमन्त्री रावं जिल्ला स्थित सुरक्षा प्रमुखयात अझ सशक्त रुपं साहसिक जुयाः ज्या यायेत नं निर्देशन बियादिल ।