समाधान संविधानसभां मालेत राष्ट्रपतिया इनाप
राष्ट्रपति डा. रामवरण यादवं दक्वं राजनीतिक समस्याया समाधान संविधानसभा पाखें मालेत राजनीतिक दलतय्त इनाप याःगु दु । लुम्बिनीइ बिहीवा: निसें शुरू जूगु झिक्वःगु बौद्ध सम्मेलनया उल्लेज्या यानादिसें वयेकलं दलतय्त संविधासभायात वाइसाप मयायेत इनाप यानादीगु ख: ।
राजनीतिक गतिरोध अप्वया वंगु ईलय् माओवादीं देय्या थीथी थासय् गणराज्य घोषणा यायेवं असन्तुष्ट जुयादिम्ह राष्ट्रपति यादवं सार्वजनिक रुपं संविधानसभां समाधान मालेत इनाप यानादीगु खः ।
वयेकलं शान्ति, समृद्धी व भाइचाराया निंतिं दक्वं समस्याया समाधान नेपाली जनतया आकांक्षा कथं संविधानसभां मालेमाःगु धयादिसें पार्टी राजनीति स्वयां पिहां वयाः सहमतिया वातावरणय् न्ह्याः वनेफुसाः जक संविधान निर्माण ईलय् हे क्वचाइगु धयादिल ।
निन्हु तक न्ह्याइगु बौद्ध सम्मेलनय् थाइलाण्ड व श्रीलंकाया राजदूत नापं द्विछं मल्याकया ब्वति दु ।
