थीथी थासय् जूगु दुर्घटनाय् स्वम्ह सित
पृथ्वी राजमार्गय् लाःगु धादिङया गलौदीलय् बिहीवाः सुथय् जूगु सवारी दुर्घटनाय् निम्ह सीगु दुसाः स्वम्ह गम्भीर घाःपाः जूगु दु ।
ना. १. ज. २३७५ नम्बरय मारुती भ्यान व ना. ३. ख. ४७५ नम्बरया यात्रुबस सुथय् न्हय्ताः ईलय् ल्वनाः दुर्घटना जुयाः भ्यान चालक रुपन्देहीया बबलु गुरुङ व दलबहादुर थापा सीगु खः । अथेहे दुर्घनाय् लानाः घाःपाः जूपिं स्वम्हेसिया नां सिकेमफुनीगु खँ प्रहरीं धाःगु दु । उमित वासः याकेत येँ हःगु दु ।
अथेहे तानसेन तम्घास सतकया पाल्पा बन्दीपोखरा गाविसया जोगीपानीलय् ट्रयाक्टर दुर्घटना जुयाः छम्ह सीगु दु । पाल्पां गुल्मी पाखे सामान कयाः वनाच्वंगु लु. २. त. १४५७ नम्बरया ट्रयाक्टर दुर्घटनाय् लानाः रुपन्देही मक्रहरया नीनिदँया दिपक खरेल सीगु दु । बुधवाः सनिलय् जूगु थुगु दुर्घनाय् लानाः घाःपाः जुम्ह खरेलयात लुम्बिनि मेडिकल कजेलय् वासः याकातःगु ईलय् मदुगु खः ।
