छेँय् छेँय् नेवाः ध्वाँय्
येँ (सन्ध्या टाइम्स)/वइगु पुस ११ गते नेवाः स्वायत्त राज्य मंकाः संघर्ष समितिं यायेत्यंगु नेवाः स्वायत्त राज्य घोषणाया तयारीया झ्वलय् कन्हसंनिसें नेवाःतय्गु छेँय् छेँय् नेवाः ध्वाँय् ब्वयेकेगु अभियान शुरु यायेत्यंगु दु। कन्हय् २ गते २ बजे असनंनिसें उगु अभियान न्ह्याकी ।
असनय् पसः व छेँखापतिं वनाः नेवाः ध्वाँय् मियाः अन हे ताना थकेगु खँ संघर्ष समितिं धाःगु दु। ध्वाँय् छपु बियाः ग्वाहालि कथं न्यय्तका दां नं काइ। पुस ११ गते नेवाः स्वायत्त राज्य घोषणा जुइ कुन्हु न्हिनय् १ बजे धरहराय् नेवाः ध्वाँय् ब्वयेकीगु ज्याझ्वः दु ।
थ्व नेवाः ध्वाँय् नेवाःतय् गां, शहर वस्ती वस्तीइ वनाः ब्वयेकेगु ज्याझ्वः दु ।
